مه‌ودا میدیا-
بەڕێوەبەرایەتی نەهێشتنی ماددە هۆشبەرەكانی دەزگای ئاسایشی هەرێم، رایگەیاند "لەسەر بنەمای زانیاری پێشوەخت، توانیویانە دەستبگرن بەسەر چوار تابلۆ كە ماددەی هۆشبەری تێدا شاردرابووەوە".

ئاماژەی بۆ ئەوەشكردووە"ئەو ماددە هۆشبەرانە لەدەرەوەی هەرێمی كوردستانەوە هێنرابوونە پارێزگای سلێمانی بەو ئامانجەی كە لەوێوە رەوانەی دەرەوەی  وڵاتی بكەن".

 باسی لەوەشكردووە "ئەو ماددانەی كە دەستیان بەسەردا گیراوە بڕی زیاتر لە دوو كیلۆگرام ماددەی كریستاڵە و كەسێكیشیان وەك تۆمەتباری سەرەكی دەستگیركردووە".

لە راگەیەنراوەكەدا دەزگای ئاسایشی هەرێم دڵنیایی داوەتە هاوڵاتیان، كە هەوڵەكانیان بەردەوام دەبێت بۆ دەستگیركردنی بازرگانانی ماددەی هۆشبەر و هەموو كارێك دەكەن بۆ رێگرییكردن لە هەر جۆررە فێڵكردنێك بۆ شاردنەوەی ماددەی هۆشبەر. 
ئ.پ