مه‌ودا میدیا-

شاره‌زایه‌كى كه‌شوهه‌وا رایده‌گه‌یه‌نێت، له‌ دواى 15ى ئه‌م مانگه‌وه‌ شه‌پۆلێكى باران بارین روو له‌ هه‌رێمى كوردستان ده‌كات.

پشتیوان ئیبراهیم، شاره‌زاى كه‌شوهه‌وا به‌ مه‌ودا میدیاى راگه‌یاند "بەپێی مۆدیلەکانی کەش و هەوای ECMWF و GFS  ئەوروپی و ئەمه‌ریکی لە 15ى ئه‌م مانگه‌ بەدواوە ئەگەری یەکەم بارانی ئەمساڵ ھەیە".

باسى له‌وه‌شكرد "بەهۆی گۆڕانکاریەکانی کەشوھەوا تاوەکو ئیستا جێگیر نییە و بەردەوام گۆڕانکاری خێرا روودەدات و دەبێتە هۆی ناجێگیربونی بارودۆخەکە".
 
وتیشى "هەروەها نزمبوونەوەی پلەکانی گەرمایش تاوەکو سەرەتایی هەفتە بەردەوامی دەبێت و کاتەکانی شەوان بۆ بەرەبەیان هەست بە فێنکی دەکرێت".


ع