مه‌ودا میدیا-

روانگەی سوری بۆ مافەکانی مرۆڤ بڵاویکردەوە، لە سەرەتای ئەمساڵەوە 114 هێرش لەلایەن داعشەوە لە سنووری پارێزگای دێرەزوور ئەنجامدراوە.

به‌پێى راپۆرتێكى روانگەی سوری بۆ مافەکانی مرۆڤ "لە سەرەتای ئەمساڵەوە تا ئێستا ناوچەکانی ژێر دەسەڵاتی هێزەکانی سوریای دیموکراتیک (قەسەدە)، رووبەڕووی چەندین هێرشی چەکدارانی داعش بوونەتەوە، کە بەهۆیەوە ژمارەیەک هاوڵاتیی مەدەنی بوونەتە قووربانی، ئەمەش هاوکات بووە لەگەڵ بەردەوامی ئۆپەراسیۆنە سەربازییەکانی قەسەدە و هاوپەیمانی نێودەوڵەتی لەو ناوچانە".

ئەوەش خراوەتەڕوو "لە ئەنجامی ئەو هێرشانەدا 22 ئەندامی هێزەکانی قەسەدە و نۆ هاوڵاتیی مەدەنی  شەهیدبوون، هاوکات ٢٧ کەسیش برینداربوون، کە لە ناویاندا ئەندامی هێزەکانی ئاسایشی ناوخۆی خۆبەڕێوەبەریی هەیە.

هه‌روه‌ها "جگە لە قوربانیی جەستەیی، زیانی ماددی زۆر بەر بنکە سەربازیی و حکومییەکان لە دێرەزوور کەوتووە، ئەویش لە ئەنجامی ئەنجامدانی هێرشی داعش بۆ سەر ئەو دامەزراوانە و دواتر راکردنیان بۆ ناوچەکانی نیشتەجێبوون و خۆ حەشاردانیان، کەوا دەکات دۆزینەوە و دەستگیرکردنیان قورس بێت".

ع