مه‌ودا میدیا-

هاوسه‌رۆكى كۆماجڤاكێن كوردستان ناسراو به‌ كه‌جه‌كه‌ له‌ به‌شێكى دیداره‌كه‌ى له‌گه‌ڵ رۆژنامه‌ى یه‌نى یاشام رایگه‌یاند، سه‌رده‌مى شه‌ڕى چه‌كداریی كۆتایی هاتووه‌، چه‌ك خزمه‌ت به‌ ئامانجه‌كانمان ناكات.

جەمیل باییک، هاوسەرۆکی کەجەکە رایگه‌یاند " شەڕی چەکدارانە چی تر لە خزمەتی ئامانجەکانماندا نییە، ئامادەی چالاکین لە بواری سیاسەتی دیموكراتیك".

وتیشى "ئەمڕۆ عه‌بدوڵڵا ئۆجه‌لان تەنیا رێبەری کوردەکان نییە بەڵکو رێبەری هەموو گەلانی ڕۆژهەڵاتی ناوینە، چالاکی ئێمەش ئەبێ لە هەمان ئاست بێت، ئۆجه‌لان پارادایمی خۆی پەرە داوە و ئێستا خەریکی سیستەمەکەیەتی".

ئه‌وه‌شى خسته‌ڕوو "باخچەلی مستەفا ئەتاتورکی کردووەتە نموونەی خۆی، مستەفا کەمال ئەتاتورک کاتێک کە دەوڵەت و گەلی تورک لە مەترسی بوون، پشتی بە شەوڕەوی و کوردەکان بەست و بە پشتیوانی ئەوانەوە چووە لۆزان، دوای ئەوە لە ئەوان دوور کەوتەوە و چووە ڕیزی ناتۆوە و دەستی بە سەرکوت کردنی کوردەکان کرد، باخچەلیش دۆخێکی هاوشێوە دەبینێت، شەڕی ئێمە ئەوانی گەیاندووەتە خاڵێ کە تووشی قەیران بوونەتەوە، ئەوان دەیانویست ئۆجه‌لان لە بیر بکرێت و پەکەکە لەناو ببەن بەڵام شکستیان هێنا، ئێستا بە گۆڕانکارییەکانی رۆژهەڵاتی ناڤوینه‌وە، دەسەڵاتی دەوڵەت-نەتەوە شکستی هێناوە و ئەگەر لەگەڵ کوردەکان رێککەوتن نەکەن، دەبێتە مەترسییەکی جیدی بۆ خۆیان".

ع