کوردستانی
دەسەڵاتی مەرکەزی لە سوریا بەسەرچووە
مەودا میدیا - سلێمانی |
مەودا میدیا-
فەرماندەی گشتیی هێزەکانی سوریای دیموکرات (هەسەدە) ئاشکرایکرد رێککەوتنی 10ی ئازار لە کاتێکی گرنگدا بوو، شەڕ لە ناوچەکەدا هەبوو، ئەوان لە ناوەڕاستی شەڕێکی تونددا بوون، لە سوریاش کێشە هەبوو، لەو کاتەدا رێککەوتنێکی لەم جۆرە پێویست بوو، گرنگ بوو ئاگربەست رابگەیەندرێت و شەڕ ڕابگیرێت و سەرەتا گفتوگۆ بکرێتەوە و لەسەر ئایندەی سوریاش بگەنە رێککەوتن.
مەزڵوم عەبدی، فەرماندەی گشتیی هەسەدە رایگەیاند " لە ماوەی چوار مانگی رابردوودا لە رووی کردارییەوە هیچ هەنگاوێکی گەورە نەنراوە، بەڵام هەندێک ئامانج بەدیهات، ئێستا ئاگربەست هەیە، دەیانەوێت ئەم ئاگربەستە بگۆڕێت بۆ ئاگربەستی هەمیشەیی و گفتوگۆکان بەردەوام بن".
ئاماژەی بۆ ئەوەشکرد "رێککەوتنی 10ی ئازار راستەوخۆ لە نێوان من و ئەحمەد شەرعدا کرا، وەک دوو لایەنی سوریا رێککەوتوون، ئەگەری هەبوو شەڕ لە نێوان کورد و عەرەب، عەلەوی و عەرەبی سوننەدا هەڵبگیرسێت، و ئێمە ویستمان بە گەیشتن بە رێککەوتنێک گرژییەکان لەناو ببەین، هەرچەندە رێککەوتنەکەی 10ـی ئازار بە رەزامەندی تورکیا نەبوو، بەڵام رێگریشیان لێنەکردووەو لەئێستاشدا پەیوەندی راستەوخۆیان لەگەڵ تورکیا هەیە و کەناڵەکانان کراوەن".
ئەوەشی خستەڕوو "شەڕێکی پیلان بۆ داڕێژراو و رێکخراو لە دژی هەسەدە بەڕێوەدەچێت، تۆمەتباریان دەکەن بەوەی دەستیان بەسەر سامانی ئەم وڵاتەدا گرتووە و بۆ خۆیان دەیبەن، لە ڕاستیدا ستەم لە رۆژئاوا دەکرێت، چونکە لە هەموو کەس زیاتر سنوورەکانی سوریاان پاراستووە و دامودەزگاکانیان پاراستووه و رێگەیان نەداوه تاڵان بکرێن و خراونەتە خزمەتی خەڵکەوە لەم ناوچەیەدا کورد، عەرەب، سریانی، هەموو پێکهاتەکان زیاتر لە هەموو شوێنێک پێکەوە دەژین. بە واتایەکی تر لێرە سوریایەکی بچووک هەیە"
باسی لەوەشکرد "سوریایەکی نوێ لەسەر بنەمای هاوبەشییەکی نوێ لەنێوان هەموو سورییەکان و پێکهاتەکانی سوریا و هەموو ئیدارەکان بنیات دەنرێت، ئەمە بە زۆر ناکرێ، پێشتر ڕێگرییان لە کارێکی لەو شێوەیە کردووە، دووەمیان بە کۆدەنگی ئەنجام دەدرێت، پێویستە هەموو پێکهاتەکانی سوریا هاوپەیمانییەک پێکبهێنن، ئەگەر سبەینێ دەستوورێک دروستبکرێت کە ئیدارەی سوریا بکات، دەبێت هەموو سورییەکان ئەو دەستوور و حکومەتە قبوڵ بکەن و دامودەزگا نیشتمانییەکان دەبێ بەجۆرێک بن کە هەرکەسێک بە دامەزراوەی نەتەوەیی خۆی بزانێت".
وتیشی "پێشتر سوریا لەسەر ئایدۆلۆژیای نەتەوەپەرستی دامەزرابوو، ئێستا گۆڕاوە بۆ ئایدۆلۆژیایەکی نەتەوەپەرستیی ئیسلامی، ئەوە لە مێژووی سوریادا شتێکی گەورەیە، ئەگەر لە سەربەخۆیی سوریاوە تاوەکو ئێستا سەیر بکەن، ئەوا پرۆسەیەکی نوێی گۆڕانکاریی و ئەم گۆڕانکارییە لە سوریادا کاریگەری لەسەر رۆژهەڵاتی ناوەڕاستیش دەبێت".
ب ح
فەرماندەی گشتیی هێزەکانی سوریای دیموکرات (هەسەدە) ئاشکرایکرد رێککەوتنی 10ی ئازار لە کاتێکی گرنگدا بوو، شەڕ لە ناوچەکەدا هەبوو، ئەوان لە ناوەڕاستی شەڕێکی تونددا بوون، لە سوریاش کێشە هەبوو، لەو کاتەدا رێککەوتنێکی لەم جۆرە پێویست بوو، گرنگ بوو ئاگربەست رابگەیەندرێت و شەڕ ڕابگیرێت و سەرەتا گفتوگۆ بکرێتەوە و لەسەر ئایندەی سوریاش بگەنە رێککەوتن.
مەزڵوم عەبدی، فەرماندەی گشتیی هەسەدە رایگەیاند " لە ماوەی چوار مانگی رابردوودا لە رووی کردارییەوە هیچ هەنگاوێکی گەورە نەنراوە، بەڵام هەندێک ئامانج بەدیهات، ئێستا ئاگربەست هەیە، دەیانەوێت ئەم ئاگربەستە بگۆڕێت بۆ ئاگربەستی هەمیشەیی و گفتوگۆکان بەردەوام بن".
ئاماژەی بۆ ئەوەشکرد "رێککەوتنی 10ی ئازار راستەوخۆ لە نێوان من و ئەحمەد شەرعدا کرا، وەک دوو لایەنی سوریا رێککەوتوون، ئەگەری هەبوو شەڕ لە نێوان کورد و عەرەب، عەلەوی و عەرەبی سوننەدا هەڵبگیرسێت، و ئێمە ویستمان بە گەیشتن بە رێککەوتنێک گرژییەکان لەناو ببەین، هەرچەندە رێککەوتنەکەی 10ـی ئازار بە رەزامەندی تورکیا نەبوو، بەڵام رێگریشیان لێنەکردووەو لەئێستاشدا پەیوەندی راستەوخۆیان لەگەڵ تورکیا هەیە و کەناڵەکانان کراوەن".
ئەوەشی خستەڕوو "شەڕێکی پیلان بۆ داڕێژراو و رێکخراو لە دژی هەسەدە بەڕێوەدەچێت، تۆمەتباریان دەکەن بەوەی دەستیان بەسەر سامانی ئەم وڵاتەدا گرتووە و بۆ خۆیان دەیبەن، لە ڕاستیدا ستەم لە رۆژئاوا دەکرێت، چونکە لە هەموو کەس زیاتر سنوورەکانی سوریاان پاراستووە و دامودەزگاکانیان پاراستووه و رێگەیان نەداوه تاڵان بکرێن و خراونەتە خزمەتی خەڵکەوە لەم ناوچەیەدا کورد، عەرەب، سریانی، هەموو پێکهاتەکان زیاتر لە هەموو شوێنێک پێکەوە دەژین. بە واتایەکی تر لێرە سوریایەکی بچووک هەیە"
باسی لەوەشکرد "سوریایەکی نوێ لەسەر بنەمای هاوبەشییەکی نوێ لەنێوان هەموو سورییەکان و پێکهاتەکانی سوریا و هەموو ئیدارەکان بنیات دەنرێت، ئەمە بە زۆر ناکرێ، پێشتر ڕێگرییان لە کارێکی لەو شێوەیە کردووە، دووەمیان بە کۆدەنگی ئەنجام دەدرێت، پێویستە هەموو پێکهاتەکانی سوریا هاوپەیمانییەک پێکبهێنن، ئەگەر سبەینێ دەستوورێک دروستبکرێت کە ئیدارەی سوریا بکات، دەبێت هەموو سورییەکان ئەو دەستوور و حکومەتە قبوڵ بکەن و دامودەزگا نیشتمانییەکان دەبێ بەجۆرێک بن کە هەرکەسێک بە دامەزراوەی نەتەوەیی خۆی بزانێت".
وتیشی "پێشتر سوریا لەسەر ئایدۆلۆژیای نەتەوەپەرستی دامەزرابوو، ئێستا گۆڕاوە بۆ ئایدۆلۆژیایەکی نەتەوەپەرستیی ئیسلامی، ئەوە لە مێژووی سوریادا شتێکی گەورەیە، ئەگەر لە سەربەخۆیی سوریاوە تاوەکو ئێستا سەیر بکەن، ئەوا پرۆسەیەکی نوێی گۆڕانکاریی و ئەم گۆڕانکارییە لە سوریادا کاریگەری لەسەر رۆژهەڵاتی ناوەڕاستیش دەبێت".
ب ح
بیروڕا
