مەودا میدیا-

هێزەکانی سوریای دیموکرات (هەسەدە) بڵاویکردەوە بەرەبەیانی ئەمڕۆ گرووپە چەکدارەکانی سەر بە حکومەتی راگوزەری سوریا هێرشیان کردووەتە سەر پێگەكانیان لە ناوچەكانی دێرحافر و هێرشەکانیان تێکشێندراوە.

هەسەدە رایگەیاند "کاتژمێر 3:00ی بەرەبەیانی ئەمڕۆ گرووپە چەکدارەکانی سەربە حکومەتی راگوزەری سوریا پەلاماری چوار پێگەی شەڕڤانانیان لە گوندی ئیمامی سەر بە ناوچەی دێر حافری مەنبج داوەو بۆ ماوەی 20 خولەک شەڕ بەردەوام بووەو هێزەکانیان پەلاماری گرووپەکانیان تێکشکاندووە".

ئاماژەی بۆ ئەوەشکرد "دووبارەبوونەوەی ئەم دەستدرێژییانە پیلانێکی داڕێژراوە بۆ ئاڵۆزکردنی دۆخەکە و هەڕەشەیە بۆ سەر سەقامگیری ناوچەکە و حکومەتی دیمەشق بە بەرپرسیاری تەواوی ئەم کردەوەیە دەزانن و ئامادەن بۆ وەڵامدانەوەی هەموو هێرش و پەلامارێک".

ب ح