مەودا میدیا-

سەرۆکی پارتی سۆسیال دیموکراتی کوردستان ئاشکرایکرد لە ساڵی 2014وە بەغدا بودجە و مووچەی هەرێمی کوردستان راگیراوە و ئەم بڕیارەش سیاسییە نەک تەكنیكی.

محەمەد حاجی مەحمود، سەرۆکی پارتی سۆسیال دیموکراتی کوردستان رایگەیاند "ئەوەی لەگەڵ عیراق كراوە رێككەوتن نییە بەڵکو رادەستبوونە بوونە و حكومەتی هەرێمی كوردستان خۆی رادەستی بەغدا کردووە، ئەمەش نە گفتوگۆیە نە رێككەوتن".

ئاماژەی بۆ ئەوەشکرد "کورد لە ساڵی 2014ەوە لە بودجە و مووچەدا سڕاوەتەوە، ئەوەی ئێستا وەک مووچە دەدرێت، خاترانە و قەرزە، هەندێک جاریش بە فشاری ئەمەریکا دەدرێت، بۆیە نەناردنی مووچە سیاسییە و تەكنیكی نییە، ئەوان بەهیچ شێوەیەك كوردیان قبوڵ نییە".

ب ح