مەودا میدیا-
بەرەبەیانی ئەمڕۆ سێشەممە، لە شاری هەڵەبجە لەلایەن كەسێكەوە تەقە لە سێ گەنج كرا و دوو كەسیان گیانیان لەدەستدا.  

سمكۆ سالار، قایمقامی هەڵەبجە رایگەیاند"لە رووداوەكەدا جگە لەوەی كە راستەوخۆ دوو لە گەنجەكان گیانیان لەدەستداوە كەسێكی دیكەشیان بریندار بووە". 

سەلام حەبیب، دانیشتووی هەڵەبجە بە مەودا میدیای راگەیاند"بەپێی قسەی هەندێك لەو كەسانەی كە نزیكبوون لە رووداوەكە، ئەو كەسەی كە تەقەی كردووە هاوڕێی كوژراوەكانە، بەڵام نازانرێت چ كێشەیەك هەبووە لە نێوانیاندا". 

وتیشی" تەمەنی گەنجە كوژراوەكان لەدایكبووی نێوان ساڵانی 2006 و 2008ن.

ئاماژەی بۆ ئەوەش كرد" ئەو گەنجانە كاتێك تەقەیان لێكراوە لە بەردەم ماڵی خۆیاندا دانیشتبوون". 
ئ پ