مەودا میدیا-
بەپێی پێشبینییەكانی كەشناسی هەرێم ئەمڕۆ بەگشتی پلەی گەرما كەمێك نزم دەبێتەوە و  ئاسمانیش پەڵەهەور دەبێت لە دوانیوەڕۆوە دەگۆڕێت بۆ نیمچە هەور لەگەڵ ئەگەری بارینی كەمێك نمەباران لە ناوچە شاخاوییەكانی باكووری رۆژهەڵات.

لە بارەی پێشبینییەكانی رۆژانی داهاتووشەوە پشتیوان پێنجوێنی، شارەزای بواری كەشناسی بە مەودا میدیای راگەیاند"لە رۆژانی 9 تا 13ی ئەم مانگە شەپۆلێكی تری گەرما روو لە ناوچەكە دەكات و پلەكانی گەرما زیاتر بەرز دەبنەوە".

وتیشی"ئەو شەپۆلی گەرمایە ئەگەری هەیە تا 15ی مانگ بەردەوامی هەبێت و پێشبینیش دەكەن دواین شەپۆلی گەرمای بەتینی ئەمساڵ بێت و ئیتر گەرما كۆتایی بێت". 

ئاماژەی بۆ ئەوەشكرد"لە هەندێك كاتدا بەهۆی بوونی شێ‌ لە بەرگە هەوادا و بەرزی پلەی تیشكی سەروو وەنەشەیی هەست بە گەرمای زیاتر دەكرێت وەك لەوەی پێشبینی دەكرێت". 

هاوكات كەشناسی هەرێم بەرزترینی پلەكانی گەرمای ئەمڕۆی شارەكانی هەرێمی بەم جۆرە دیاری كردووە:
هەولێر: 43 پلەی سیلیزی
سلێمانی: 43 پلەی سیلیزی
دهۆك: 42 پلەی سیلیزی
كەركوك: 44 پلەی سیلیزی
هەڵەبجە: 42 پلەی سیلیزی
گەرمیان: 46 پلەی سیلیزی
زاخۆ: 42 پلەی سیلیزی
سۆران: 41 پلەی سیلیزی
حاجی ئۆمەران: 35 پلەی سیلیزی
ئ پ