مەودا میدیا-
بەڕێوەبەرایەتی هاتوچۆی سلێمانی لە بارەی بڵاوبوونەوەی وێنەی پسوولەیەكی سەرپێچییەوە روونكردنەوەیەكی بۆ رای گشتی بڵاوكردووەتەوە و رایگەیاندووە كە ئەو ساختەیە و هیچ پەیوەندییەكی بە بەڕێوەبەرایەتییەكەیانەوە نییە. 

دەقی راگەیەنراوەكەی بەڕێوەبەرایەتی هاتوچۆی سلێمانی:
 بۆ سەرجەم هاوڵاتییانی بەڕێز و دامودەزگاكانی راگەیاندن
ئەمڕۆ 5/8/2025 وێنەی پسووڵەی سزایەك بڵاوكراوەتەوە لە بەشێكی زۆر لە پەیج و ئەكاونتەكان وە تیایدا هاتووە كە گوایە چەند شۆفێرێك سزا دراون بەهۆی سەرپێچییەك ئەو سەرپێچییەش (سەرخستنی قەرەج)ە لە سوارڕەوەكانیاندا.

ئێمە وەك بەڕێوەبەرایەتی هاتوچۆی پارێزگای سلێمانی بە هەموولایەكی رادەگەینین كە ئەم بابەتە تەواو ناڕاستە و دوور و نزیك پەیوەندی بە بەڕێوەبەرایەتیمانەوە نییە، وە ئەو پسوڵەیە كە بڵاوكراوەتەوە دروستكراو و (فەیك)ە. 

 هەروەها لەناو سەرجەم یاسا و رێنماییەكانی هاتوچۆوە هەموو جۆرە سەرپێچییەكانی بواری هاتوچۆ لە هەرێمی كوردستاندا سەرپێچییەكمان نییە لەژێر ناونیشانی، سەرخستنی قەرەج لە سوارڕەودا.

بە گرنگی دەزانین ئاماژە بەوە بدەین كە پێویستە دامودەزگاكانی راگەیاندن لە هەرێمی كوردستاندا پیشەییانە وە بەرپرسیارانە و بە رەچاوكردنی ئیتیكی كاری رۆژنامەوانی بابەتەكانیان بڵاو بكەنەوە وە ناكرێت ئەوان بكەونە ژێر كاریگەری هەواڵە ساختە و چەواشەكارییەكان. 
ئ پ