مەودا میدیا-

وتەبێژی وەزارەتی پەروەردەی هەرێم سەبارەت بە وەرگرتنی پێشمەرگە و فەرمانبەران کە لە دامەزراوە سەربازییەکانن و هەڵگری بڕوانامەی پەروەردەیین وەک مامۆستا لە ناوەندەکانی خوێندن روونکردنەوەیەکی بڵاوکردەوە.

سامان سیوەیلی، وتەبێژی وەزارەتی پەروەردەی هەرێم رایگەیاند " داواکارییەکەیان ئەوە بووە کە وەزارەتە (مەدەنییەکان)  ئەگەر رەزامەند بوون کە  فەرمانبەری هەڵگری بڕوانامەی بەکالۆریۆسی پەروەردە و زانست و ئاداب لە چەند پسپۆرییەکی دیاریکراو ئارەزوومەند بوون دەتوانن تەنسیب بن بۆ وەزارەتی پەروەردە".

ئاماژەی بۆ ئەوەشکرد "داواکاریی وەزارەتەکەیان تەنها وەزارەتە مەدەنییەکان دەگرێتەوە نەک وەزارەتی پێشمەرگە و دامەزراوە هاوشێوەکانیان بۆ تەنسیبکردنی پێشمەرگەو فەرمانبەرەکانیان لە ناوەندەکانی خوێندن".

ب ح