مەودا میدیا-
وەزارەتی بازرگانی و پیشەسازی هەرێمی كوردستان دواین وادەی پڕكردنەوەی فۆرمی ئەلیكترۆنی خۆراكی راگەیاند و دەڵێت"دوای ئەو وادەیە پڕكردنەوەی خۆڕایی نامێنێت و دەبێتە پارە". 

نەوزاد شێخ كامیل، بەڕێوەبەری گشتیی بازرگانی لە حكومەتی هەرێمی كوردستان رایگەیاند" دەرگای نوێكردنەوەی پسوولەی خۆراك بۆ فۆڕمی ئەلیكترۆنی جاریكی تر بۆ ماوەی 10 رۆژ درێژكرایەوە وەك هەلی كۆتایی بۆ ئەو هاوڵاتییانەی تا ئێستا فۆڕمەكەیان پڕ نەكردووەتەوە". 

وتیشی"هاوڵاتییان دەتوانن تا 20ی ئەم مانگە بەبێ بەرامبەر خۆیان تۆمار بكەن، چونكە دوای  ئەو وادەیە خزمەتگوزاری بێبەرامبەر نامێنێت و دەبێت هەركەس كە بیەوێت خۆی تۆمار بكات بڕێكی دیاریكراو پارە بدات". 


ئاماژەی بۆ ئەوەشكرد"ئەم چەند رۆژەی كە ماوە دەرفەتێكی باشە بۆ هاوڵاتییان و پێویستە تا ئەو كاتە خۆیان تۆمار بكەن". 
ئ پ