مەودا میدیا-

بەڕێوەبەرایەتی گشتیی کارەبای سلێمانی ئاشکرایکرد لەگەڵ دەستێکردنی بارانبارین و دروستبوونی شۆرتی کارەبا لەسەر ژمارەیەک لە فیدەکانی کارەبای ناو شار و دەرەوەی شاری سلێمانی ، تیمی هۆبەکانی چاکسازیی کارەبا دەستیانکرد بە چارەسەرکردنی کێشەکان

بەڕێوەبەرایەتی گشتیی کارەبای سلێمانی رایگەیاند "خۆشبەختانە زۆربەی کێشەکان چارەسەرکران و کارەبایان بۆ گەڕایەوە و کارکردنیش بەردەوامە تاوەکو بە تەواوی هەموو کێشەکان چارەسەر دەکەن".

ئاماژەی بۆ ئەوەشکرد "سەرجەم تیمەکانی کۆنترۆڵی کارەبا و گواستنەوەی کارەبای بەڕێوەبەرەکانی دابەشکردنی کارەبای لێپرسراو و کارمەندانی هۆبەکانی چاکسازیی کارەبا لە بەیانییەوە بەردەوام سەقاڵی کارکردن بۆ چارەسەرکردنی کێشەکان و گەڕانەوەی کارەبا بۆ هاوڵاتییان".

ب ح