مه‌ودامیدیا - سه‌باح خدر

ئیداره‌ی یانه‌ی پاریس سانجێرمان ده‌یه‌وێت یاریزانێکی یانه‌ی به‌رشه‌لۆنه‌ په‌لکێشی یانه‌که‌ی بکات له‌ میرکاتۆی گواستنه‌وه‌ی یاریزاناندا.

رۆژنامه‌ی مۆندۆ دیپۆرتیڤۆی ئیسپانی ئه‌وه‌ی ئاشکراکردوه‌ :که‌ ئیداره‌ی یانه‌ی پاریس سانجێرمان له‌ وه‌رزی رابردوو سه‌رکه‌وتوو نه‌بوو له‌ گواستنه‌وه‌ی ( نیلسون سمیدو ) پرتوگالی یاریزانی یانه‌ی به‌رشه‌لۆنه‌ ، به‌ڵام ( لیوناردو ) ی به‌رێوه‌به‌ری وه‌رزشی یانه‌ی فه‌ڕه‌نسیه‌که‌ ده‌یه‌وێت پلانێکی نوێ بۆ گواستنه‌وه‌ی ئه‌و یاریزانه‌ دابڕێژێت.

سمیدو یه‌کێک بوو له‌و یاریزانانه‌ی که‌ وه‌رزی رابردوو یانه‌ی به‌رشه‌لۆنه‌ به‌کاریهێنا بۆ گفتوگۆکردن ده‌رباره‌ی گه‌ڕانه‌وه‌ی ( نیمار ) ی به‌رازیلی ، به‌ڵام سه‌رکه‌وتوو نه‌بوو .

هه‌مان رۆژنامه‌ باس له‌وه‌ش ده‌کات که‌ ( ئه‌بیدال ) ی فه‌ڕه‌نسی و سکرتێری یانه‌ی به‌رشه‌لۆنه‌ لاری نیه‌ له‌ رۆشتنی ( سمیدو ) ی ته‌مه‌ن 26 ساڵ .