مه‌ودامیدیا - سه‌باح خدر 

یانه‌ی ریاڵ مه‌دریدی ئیسپانی ده‌رگا به‌ڕووی یاریزان ئیسکو ده‌کاته‌وه‌ و ده‌یه‌وێت له‌ گواستنه‌وه‌ی زستانه‌دا ده‌ستبه‌رداری ببێت.

ئیداره‌ی یانه‌ی ریاڵ مه‌درید کار بۆ ئه‌وه‌ ده‌کات که‌ ( ئیریکسون ) دانیمارکی له‌ یانه‌ی توتنهامی ئینگلیزیه‌وه‌ په‌لکێش بکات بۆ ئه‌و مه‌به‌سته‌ش ئاماده‌یه‌ ئیسکو بفرۆشێت.

ئیریکسون بۆنده‌که‌ی له‌گه‌ڵ یانه‌ی توتنهام له‌ ساڵی 2020 دا کۆتای دێت هاوکات له‌گه‌ڵ ئه‌وه‌شدا ئه‌و یاریزانه‌ دانیمارکیه‌ ئه‌وه‌ی خستۆته‌ روو که‌ بۆنده‌که‌ی نوێ ناکاته‌وه‌.

رۆژنامه‌ی میره‌ری به‌ریتانی ئه‌وه‌ی خستۆته‌ روو که‌ ئیداره‌ی یانه‌ی شاهانه‌ ئاماده‌یه‌ گفتوگۆ له‌گه‌ڵ ئه‌و یانانه‌ بکات که‌ به‌نیازی گواستنه‌وه‌ی ئیسکون بۆ ئه‌و مه‌به‌سته‌ش ده‌یه‌وێت بڕی 50 ملیون یۆرۆی ده‌ست بکه‌وێت .

ئیسکو ته‌مه‌نی 27 ساڵه‌ و له‌گه‌ڵ یانه‌ی ریاڵ مه‌درید 290 یاری ئه‌نجامداوه‌و توانیویه‌تی 48 گۆڵیش تۆماربکات.

هه‌ریه‌ک له‌ یانه‌کانی چڵسی و مانچسته‌رسیتی ئاماده‌یی خۆیان پیشانداوه‌ بۆ گرێبه‌ست کردن له‌گه‌ڵ ئیسکو.