مەودا میدیا-

بەڕێوەبەرایەتی گشتیی كارەبای راپەڕین بڵاویكردووەتەوە لە چوار قوڕنە كارەبای ژمارەیەك كارگە بڕاون بەهۆی قەرزداری و لە رانیەش كارەبای چەند ماڵێك بڕوان بەهۆی راكێشانی كارەبا بەشێوەی نایاسایی.

بەڕێوەبەرایەتیی گشتیی كارەبای راپەڕین بڵاویكردووەتەوە "ئەمڕۆ 16ی 1ی 2023 هۆبەی چاككردنەوەی تۆڕەكانی كارەبای یەكی رانیە لەگەڕەكی تیتۆكەی قەزای رانیە، كارەبای 10 ماڵیان بڕی بەهۆی ئەوەی بە نایاسایی كارەبایان راكێشا بوو ئاگاداریش كرانەوە بەزوترین كات سەردانی فەرمانگەی كارەبا بكەن بەمەبەستی ئەنجامدانی كاری یاسایی".

باسی لەوەشكردووە "هەرئەمڕۆ هۆبەی چاككردنەوەی تۆڕەكانی كارەبای چوار قوڕنە كارەبای چەند كارگەیەكیان بڕی بەهۆی ئەوەی قەرزداری كارەبا بوون و ئاگاداریش كرانەوە تاپارەی كارەبا نەدەن كارەباكانیان بۆ ناگەڕێنرێتەوە".

ك م