مەودا میدیا-

پێشبینی بارانبارینێكی زۆر دەكرێت لە كۆتایی ئەم مانگە و سەرەتای مانگی داهاتوو لە سەرجەم ناوچەكانی هەرێمی كوردستان و شارەزایەكی كەش و هەوا دەڵێت "بە هاتنی ئەو شەپۆلی بارانبارینە مەترسییەكانی كەم بارانی لە هەولێر و دهۆك نامێنێت و".

سیروان ساڵح، شارەزای كەش و هەوا رایگەیاندووە "پێشبینی دەكرێت لە كۆتایی ئەم مانگە (كانوونی دووە) و سەرەتای مانگی داهاتوو (شوبات) شەپۆلێكی بارانبارینی باش روو لە ناوچەكەمان بكات و بڕێكی زۆر باران لە هەموو ناوچەكانی هەرێمی كوردستان ببارێت و وشكی و كەم بارانی لە پارێزگاكانی هەولێر و دهۆك كۆتایی پێ بێت".

باسی لەوەشكردووە "پێشبینییەكان بەوجۆرەیە مانگی داهاتوو (شوبات) بارانی زۆرباش ببارێت و ئەگەری بەفربارینی زۆریش هەیە لەناوچە شاخاوییەكان".

ك م