مەودا میدیا-

لەماوەی رابردوو لەسەرجەم پارێزگاكانی هەرێمی كوردستان ئەو زەوی و خانووانەی لە سنوری گوندەكان بوون كراون بە خانوو تۆماركران و باس لە تاپۆكردنیان كرا و لە ئێستاشدا وتەبێژی وەزارەتی شارەوانی و گەشتوگوزار دەڵێت "تاپۆكردنی ئەو خانوو زەویانە دراوەتە شارەوانی پارێزگاكان".

كوردۆ عومەر، وتەبێژی وەزارەتیی شارەوانیی و گەشتوگوزاری هەرێمی كوردستان بە مەودا میدیای رایگەیاند "لەدوای تۆماركردنی زەوی و خانووە بێ تاپۆكان ئەوانەی لە سنوری گوندەكان بوون و لە ماوەی رابردوو لە سەرجەم پارێزگاكان تۆماركران و بڕیاردرا مامەڵەی تاپۆیان بۆ بكرێت لە ئێستادا دەسەڵات دراوەتە شارەوانی پارێزگاكان بۆ ئەوەی كارە یاساییەكانیان بۆ بكرێت".

باسی لەوەشكرد "هەنگاوەكانی داهاتوو بۆ تاپۆكردنی ئەو زەوی و خانووانە دەكەوێتە سەر كارەكانی بەشی یاسایی شارەوانی پارێزگاكان و هەركات كارەكانیان كۆتایی پێهات دەتوانرێت دەست بە تاپۆكردنیان بكرێت".