مەودا میدیا-

بەڕێوەبەری گشتیی گومرگی هەرێمی کوردستان رایدەگەیەنێت چەندین رێکاری تووند لەلایەن دەروازە سنوورییەکانی هەرێمی کوردستانەوە گیراونەتەبەر، بەمەبەستی رێگریکردن لە بردنەدەرەوەی دۆلار و دراوەکانی دیکە.

ساماڵ عەبدولرەحمان، بەڕێوەبەری گشتیی گومرگی هەرێمی کوردستان بە ماڵپەڕی (بغداد الیوم)ی راگەیاندووە "ئەو تۆمەتانەی ئاڕاستەی هەرێمی کوردستان دەکرێن کە گوایە بووەتە دەروازەیەک بۆ بردنەدەرەوەی دۆلار، تۆمەتی ناڕاست و بێ بنەمان".

ئاماژەی بەوەشکردووە "لەئێستادا چەندین رێکاری تووند لەلایەن دەروازە سنوورییەکانی هەرێمی کوردستانەوە گیراونەتەبەر، بەمەبەستی رێگریکردن لە بردنەدەرەوەی دۆلار و دراوەکانی دیکە، هەر کەسێکیش ئەو کارە بکات بەپێی رێنماییەکانی حکومەتی عیراق و حکومەتی هەرێم مامەڵەی لەگەڵدا دەکەین".

س،ر