مەودا میدیا-

مه‌فره‌زه‌كانی‌ بنكه‌ی‌ پۆلیسی‌ تاسڵوجه‌ تۆمه‌تبارێكیان ده‌ستگیركرد كه‌ دوو سكاڵای‌ یاسایی له‌سه‌ر بووه‌ و له‌لایه‌ن دادگاوه‌ داواكراو بووه‌.

بەڕێوەبەرایەتیی پۆلیسی سلێمانی رایگەیاند "دوای‌ ئه‌وه‌ی‌ مەفرەزەكانی بنكه‌ی‌ پۆلیسی‌ تاسڵوجه‌ له‌سه‌ر بڕیاری‌ به‌ڕێز دادوه‌ر و به‌پێی‌ ماده‌ی‌ 446 له‌یاسای‌ سزادان تۆمه‌تبارێكیان به‌ناوی‌ (ر، ك، ل) له‌دایكبووی‌ 1996 ده‌ستگیركرد كه‌ سكاڵای‌ یاسایی له‌سه‌ر تۆماركرابوو، له‌كاتی‌ لێكۆڵینه‌وه‌كاندا ده‌ركه‌وت كه‌ تۆمه‌تباری‌ ناوبراو له‌ دادگای‌ لێكۆڵینه‌وه‌ی‌ ئاسایشی‌ سلێمانی‌ داواكراو بووه‌ به‌پێی‌ ماده‌ی‌ 25 له‌ یاسای‌ ماده‌ هۆشبه‌ره‌كان".

ئاماژە بەوەکراوە "له‌ئێستادا تۆمه‌تبار به‌بڕیاری‌ به‌ڕێز دادوه‌رو به‌پێی‌ هه‌ردوو ماده‌ی‌ 446 و مادەی‌ 25 له‌یاسای‌ ماده‌ هۆشبه‌ره‌كان راگیراوه‌و لێكۆڵینه‌وه‌كان به‌رده‌وامه‌".

س.ر