مه‌ودامیدیا - سه‌باح خدر

لورینزو سانزی سه‌رۆکی پێشوی یانه‌ی ریاڵ مه‌درید به‌هۆی ڤایرۆسی کۆرۆناوه‌ گیانی له‌ده‌ستدا.

سانزی ته‌مه‌ن 76 ساڵ هه‌فته‌ی رابردوو توشی ڤایرۆسی کۆرۆنا بوو ، به‌ڵام دوای چاودێری ووردی پزیشکی سه‌رئه‌نجام ئه‌و سه‌رۆکه‌ گیانی له‌ده‌ستدا.

له‌ به‌یاننامه‌یه‌کی فه‌ڕمیدا یانه‌ی ریاڵ مه‌درید ئه‌وه‌ی راگه‌یاند :که‌ سانز که‌سێکی گه‌وره‌ و گرنگه‌ له‌مێژووی یانه‌که‌مان و بۆیه‌ له‌گه‌ڵ باش بوونی بارودۆخدا مه‌راسیمێکی شایسته‌ی بۆ ئه‌نجام ده‌ده‌ین.

لورینزو سانز له‌ ساڵانی 1995 بۆ 2000 سه‌رۆکی یانه‌ی ریاڵ مه‌درید بووه‌ و توانیویه‌تی دووجار نازناوی خولی یانه‌ پاڵه‌وانه‌کانی ئه‌وروپا و یه‌کجار لالیگا و جارێکیش سوپه‌ری ئیسپانی ئه‌و یانه‌یه‌ به‌ده‌ست بهێنێت.