کوردستانی
یەكێتی و پارتی لە ئاستی باڵادا كۆدەبنەوە
مەودا میدیا - سلێمانی |

مەودا میدیا-
بڕیارە ئەمڕۆ سێشەممە 30ی ئەیلول، یەكێتیی نیشتمانیی كوردستان و پارتی دیموكراتی كوردستان كۆببنەوە و ئامانج لە كۆبوونەوەكەش پێكهێنانی كابینەی دەیەمی حكومەتی هەرێم دەبێت.
بەپێی ئەو زانیارییانەی كە دەست مەودا میدیا كەوتووە، كۆبوونەوەی ئەو دوو حزبە لە ئاستی باڵادا دەبێت بەجۆرێك هەریەك لە مەسعود بارزانی و بافڵ تاڵەبانی ئامادە دەبن و چاوەڕێش دەكرێت تیایدا رێكەوتنی كۆتایی بكرێت و بڕیاری یەكلاكەرەوە لە بارەی پۆستەكان و پێكهێنانی كابینەی نوێی حكومەتەوە بدرێت.
هاوكات دەرباز كۆسرەت رەسوڵ، ئەندامی مەكتەبی سیاسیی یەكێتی بە میدیای پارتی راگەیاندووە"لێكتێگەیشتنی باش هەیە لە نێوان یەكێتی و پارتی و ئومێد دەكەن لە داهاتوویەكی زۆر نزیكدا لەسەر ئەو خاڵانە رێكبكەون كە هێشتا ماون و گفتوگۆیان لەبارەوە نەگەیشتووەتە كۆتایی".
ئاماژەی بۆ ئەوەشكردووە"نازانن لەم مانگەدا پەرلەمان كۆدەبێتەوە یان نا، بەڵام ئەمڕۆ و سبەی هەواڵی خۆش لەبارەی كۆبوونەوەكان و رێكەوتنی یەكێتی و پارتی دەدەن بە هاوڵاتییانی هەرێم".
ئ پ
بیروڕا



