مەودا میدیا-

بەڕێوەبەرایەتی گشتیی نەهێشتنی ماددە هۆشبەرەکانی دەزگای ئاسایشی هەرێم ئاشکرایکرد بە هەماهەنگی بەڕێوەبەرایەتی ئاسایشی گەرمیان لەگوندی ساڵح ئاغای ناحیەی قۆرەتوو لەگەرمیان ( سێ )بازرگانی ماددەی هۆشبەریان دەستگیرکردووە.

 دەزگای ئاسایشی رایگەیاند "بە بڕیاری دادوەری لێکۆڵینەوەی ئاسایش سێ بازرگانی ماددەی هۆشبەر دەستگیرکردووە  و دەستیشیان بەسەر بڕی (نۆ)کیلۆگرام ماددەی هۆشبەر لەجۆری حەشیش و (45)دەمانچەی بێمۆڵەت و (92)دەنک حەبی(میثادۆن)کە بازرگانان ئامانجیان ساغکردنەوەی بوو لەهەرێمی کوردستان".

ئاماژەی بۆ ئەوەشکرد "لەئێستادا تۆمەتباران بەبڕیاری دادوەر بەماددەی 25 لە یاسای بەرەنگاربوونەوەی ماددە هۆشبەرەکان و کارتێکارە ئەقڵییەکان راگیراون و لێکۆڵینەوە لە دۆسیەکانیان بەردەوامە".

ب ح