مەودا میدیا-

بەڕێوەبەرایەتی گشتیی هاتوچۆی هەولێر سەبارەت بە دەستپێکردنی بانگەشەی هەڵبژاردن پەیامێک ئاڕاستەی لیست و کاندیدەکان دەکات.

بەڕێوەبەرایەتی گشتیی هاتوچۆی هەولێر رایگەیاند "داوا دەکەن وێنە و پۆستەری کاندیدەکان بە ستوونەکانی ترافیک لایت و هێماکانی هاتووچۆ هەڵنەواسن ".

ئاماژەی بۆ ئەوەشکرد "پۆستەرە گەورەکان بەباشی بچەسپێنن بۆ ئەوەی بەهۆی رەشە باوە بەرنەبنەوە و زیان بە ئۆتۆمبێل و بەکارهێنەرانی شەقام نەگەیەنن وە هەروەها جامی ئۆتۆمبێل و ژمارەی تابلۆ دانەپۆشن بە ئاڵا و لۆگۆ و وێنەی بەربژێرەکان".

ئەوەشی خستەڕوو "داوا لە  بانگەشەکاران دەکەن لە دواوەی ئۆتۆمبێلی بارهەڵگر سەرنەکەون و جەستەیان لە جام و سلایدی ئۆتۆمبێلەکان نەهێننەدەرەوە ، رێگاو شەقامەگشتییەکان نەگرن لەپێناو و دروست نەبوونی جەنجاڵی هاتوچۆ و پاراستن و سەلامەتی گیانیان".

ب ح