مەودا میدیا

وه‌زاره‌تی ده‌ره‌وه‌ی عیراق رایدەگەیەنەێت به‌هۆی تۆپباران و بۆردوومانكردنی ناوچه‌ سنوورییه‌كانی سنووری دۆڵی ئالانه‌، باڵیۆزی ئێران له‌ به‌غدا بانگهێشت دەکات.

ئەمڕۆ پێنجشەممە وەزارەتی دەرەوەی عیراق لە بەیاننامەیەکدا رایگەیاند  "وه‌زاره‌تەکە یاداشتێكی ناڕه‌زایی داوه‌ته‌ ئیرەج مەسجدی، باڵیۆزی ئێران له‌ به‌غدا، بۆ ئه‌وه‌ی وڵاته‌كه‌ی خۆی ئاگادار بكاته‌وه‌ له‌ تۆپباران و بۆردوومان و زیانگه‌یاندن به‌ ناوچه‌كه"‌.

هه‌روه‌ها به‌ پێویستی ده‌زانێت رێگه‌چاره‌ی هاوبه‌ش له‌ پاراستنی ئه‌منیه‌ت و سه‌قامگیری بدۆزرێته‌وه‌ له‌ ناوچه‌ سنوورییه‌كانی هاوبه‌شه‌كان، ئەمەش دوای تۆپبارانکردنی چەند ناوچەیەکی هەرێم دێت لەلایەن ئێرانەوە.