مەودا میدیا- سەباح خضر 

رۆژنامەی مۆندۆ دیپۆرتیڤۆی ئیسپانی ئەوەی ئاشکرا دەکات کە هەردوو یاریزان لیونیل میسی و فرانک دی یونگ لەژێر هەڕەشەدان بۆ یارییەکەی سبەی بەرانبەربە یانەی خیتافی.

هەمان رۆژنامە ئەوەی بڵاوکردۆتەوە :میسی و دی یونگ هەریەکەیان چوار کارتی زەردیان هەیە و دەبێت بە ووریاییەوە مامەڵە لە یارییەکەی سبەی بکەن،چونکە لەوەرگرتنی کارتێکی تردا ئەوا ناتوانن بەرانبەر بە یانەی ڤیاریاڵ لەگەڕی 32دا یاری بکەن.

لە بڵاوکراوەکەی ئەو رۆژنامەیەدا ئەوەش هاتووە :دی یونگ لە نۆ یاری رابردوودا بە ئارامی یاری کردووە و کارتی پێنجەمی وەرنەگرتووە، لەهەمان کاتیشدا لیونیل میسی پێنج یارییە بە چوار کارتی زەردەوە یاری دەکات.

کاتژمێر 11:00ی سبەی شەو بەرشەلۆنە میوانداری یانەی خیتافی دەکات لە چوارچێوەی یارییەکانی هەفتەی 31ی لالیگادا.