مه‌ودامیدیا - سه‌باح خدر

گۆڤاری فرانس فوتبولی فه‌ڕه‌نسی لیستی ناوی ئه‌و یاریزانانه‌ی ئاشکراکردوه‌ که‌ خاوه‌نی زۆرترین داهاتن له‌ یه‌ک وه‌رزدا.

له‌و لیسته‌دا ( لیونیل میسی ) ئه‌رژه‌نتینی و باشترین یاریزانی جیهان پله‌ی یه‌که‌می گرتوه‌.

به‌پێی ریزبه‌ندیه‌که‌ گۆڵکاری مێژووی یانه‌ی به‌رشه‌لۆنه‌ ( لیونیل میسی ) داهاتی هه‌ر وه‌رزێکی بریتی یه‌ له‌ 131 ملیون یۆرۆ.

له‌ پله‌ی دووه‌میش ( کریستیانو رۆناڵدۆ ) ی پرتوگالی و هێرشبه‌ری یانه‌ی یۆڤانتوسی ئیتاڵی دێت که‌ داهاته‌که‌ی 118 ملیون یۆرۆیه‌.

له‌ پله‌ی سێهه‌میش ( نیمار ) ی به‌رازیلی و یاریزانی یانه‌ی پاریس سانجێرمانی فه‌ڕه‌نسی دێت که‌ داهاته‌که‌ی له‌یه‌ک وه‌رزدا ده‌گاته‌ 95 ملیون یۆرۆ.

گریزمانی فه‌ڕه‌نسی و یاریزانی یانه‌ی به‌رشه‌لۆنه‌ی ئیسپانی له‌ پله‌ی چواره‌م دێت که‌ داهاته‌که‌ی له‌ یه‌ک وه‌رزدا ده‌گاته‌ 38.5 ملیون یۆرۆ.