مه‌ودا میدیا-

بافڵ جەلال تاڵەبانی، سه‌رۆکی یەکێتیی نیشتمانیی کوردستان له‌ په‌یامێكیدا هاوخەمیی بۆ قوربانییانى دهۆك ده‌رده‌بڕێت كه‌ ئه‌مڕۆ به‌ هۆى لافاوه‌وه‌ زیانمه‌ندبوون و  رایده‌گه‌یه‌نێت، هاوبەشی ئەم خەمە گەورەیەین و ‏یەکێتیی ئامادەی هەموو هاوکاری و پشتیوانییەکی خەڵکە سەربەرزەکەمانە.

دەقی پەیامەکە:

دڵمان لای خەڵکی هەموو شار و شارۆچکەکانی کوردستانە کە بەهۆی لافاوەوە زیانمەندبوون، بەتایبەت دهۆکی خۆشەویست.

‏پرسە و هاوخەمیی قووڵی خۆمان ئاڕاستەی کەسوکاری بەڕێزی سێ قوربانییەکەی ئەمڕۆی دهۆک دەکەین و هاوبەشی ئەم خەمە گەورەیەین.

‏یەکێتیی نیشتمانیی کوردستان ئامادەی هەموو هاوکاری و پشتیوانییەکی خەڵکە سەربەرزەکەمانە، سوپاس و پێزانینیش ئاڕاستەی هەموو لایەنە پەیوەندیدارەکان دەکەین کە ماندوونەناسانە لەم رۆژە سەختەدا لەخزمەت هاونیشتمانییاندا بوون.

‏بافڵ جەلال تاڵەبانی
‏سەرۆکی یەکێتیی نیشتمانیی کوردستان

پ ح ع