مه‌ودامیدیا – سه‌باح خدر 

له‌ چوارچێوه‌ی یارییه‌کانی هه‌فته‌ی 21 ی خولی ئینگلیزیدا هه‌ردوو یانه‌ی مانچسته‌رسیتی و ئیڤه‌رتون رووبه‌ڕووی یه‌کتربونه‌وه‌.

مانچسته‌رسیتی له‌و یارییه‌دا توانی سه‌رکه‌وتن به‌ده‌ست بهێنێت به‌ ئه‌نجامی ( 2 – 1 ) و سێ خاڵی گرنگی به‌ده‌ستهێنا.

تایمی یه‌که‌می یارییه‌که‌ به‌بێ گۆڵ کۆتایهات ، به‌ڵام له‌ تایمی دووه‌مدا ( خیسوس ) ی به‌رازیلی توانی هه‌ردوو گۆڵه‌که‌ی مان سیتی تۆماربکات له‌ خوله‌که‌کانی 51 ، 58 دا.

تاکه‌ گۆڵه‌که‌ی یانه‌ی ئیڤه‌رتون له‌ رێگه‌ی یاریزان ریتشارلسون به‌ده‌ستهات له‌ خوله‌کی 71 دا.

به‌م سه‌رکه‌وتنه‌ یانه‌ی مانچسته‌رسیتی کۆی خاڵه‌کانی گه‌یانده‌ 44 خاڵ و له‌پله‌ی سێهه‌می خولی ئینگلیزی دێت.

یانه‌ی ئیڤه‌رتونیش خاوه‌نی 25 خاڵه‌ و له‌پله‌ی 10 هه‌مین دێت.