مەودا میدیا- سازگار ئەحمەد

ئەندامێکی لیژنەی دارایی و کاروباری ئابووری لە پەرلەمانی کوردستان رایدەگەیەنێت سبەی دەست بە دابەشکردنی مووچەی مانگی 10ی ساڵی رابردووی فەرمانبەرانی هەرێمی کوردستان بکرێت. 

زیاد جەبار، ئەندامی لیژنەی دارایی و کاروباری ئابووری لە پەرلەمانی کوردستان بە مەودا میدیای راگەیاند "وەزارەتی دارایی و ئابووری هەرێمی کوردستان رایگەیاندووە سبەی مووچەی مانگی 10ی فەرمانبەرانی هەرێمی کوردستان دەستپێدەکات".

سەبارەت بە دواکەوتنی مووچە وتی "وەزارەتی دارایی و ئابووری هۆکاری دواکەوتنی مووچەی بۆ پشووەکان و هەندێک هۆکاری دیکە گەڕاندووەتەوە".

بەپێی ئەو زانیاریانەی مەودا میدیا لە وەزارەتی دارایی و ئابووری هەرێمی کوردستان  دەستی کەوتووە سبەی مووچەی دیوانی وەزارەتی پێشمەرگە و لیواکان دابەش دەکرێت.