مه‌ودا میدیا-

دوای كۆبوونه‌وه‌ی عادل عه‌بدولمه‌هدی، سه‌رۆك وه‌زیرانی كاربه‌ڕێكه‌ری عیراق له‌گه‌ڵ شاندی باڵای یه‌كێتیی نیشتمانیی كوردستان به‌ سه‌رۆكایه‌تی كۆسره‌ت ره‌سوڵ عه‌لی، سه‌رۆكی ئه‌نجومه‌نی باڵای سیاسی و به‌رژه‌وه‌ندی یه‌كێتی، شاندی باڵای یه‌كێتی له‌ به‌یاننامه‌یه‌كدا ناوه‌ڕۆكی كۆبوونه‌وه‌كه‌ی خسته‌ روو.

له‌ به‌یاننامه‌كه‌دا هاتووه‌" له‌ كۆبوونه‌وه‌كه‌دا گفتوگۆ له‌ باره‌ی دۆخی سیاسی عیراق كرا و چۆنێتی رووبه‌ڕوو بوونه‌وه‌ی مه‌ترسی و ته‌حدییه‌كانی به‌رده‌م پرۆسه‌ی سیاسی و دۆخی ئه‌منی تاوتوێ كران.

له‌ به‌شێكی تری كۆبوونه‌وه‌كه‌دا په‌یوه‌ندییه‌كانی نێوان هه‌رێم و ناوه‌ند گفتوگۆی له‌باره‌وه‌كراو جه‌ختكرایه‌وه‌ له‌سه‌ر گرنگی پته‌وتركردنی په‌یوه‌ندیه‌كانی نێوان هه‌ردوولا.