مەودا میدیا- سەباح خضر 

کاردانەوە جیهانیەکان تا دێت فراوانتر و گەورەتر دەبێت لەسەر بیرۆکەی کردنەوەی پاڵەوانێتی سوپەر لیگ، کە لە ئێستادا 12 یانە گەورەی جیهان بڕیاری بەشداریکردنیان داوە.

تونی کرۆسی ئەڵمانی و یاریزانی یانەی ریاڵ مەدریدی ئیسپانیش یەکێکە لەو یاریزانانەی کە بیرۆکەی کردنەوەی ئەو پاڵەوانێتیە رەتدەکاتەوە.

کرۆس دەڵێت :من هەوادارێکی جێ نەهێشتنی شتەکانم، کاتێک ئەو شتانە بەباشی دەڕۆن، چامپیونسلیگ پاڵەوانێتیەکی گەورە و بەهێز لەسەر ئاستی جیهان.

تۆنی کرۆس ئەوەش دەخاتەڕوو :کە پاڵەوانێتی سوپەر لیگ هەرگیز وەکو چامپیونسلیگ بەجۆش و خرۆش نابێت، چونکە لە ئێستادا ناڕەزایەتیەکان زۆرن و کێشەی دروست کردووە.

لە ئێستادا بەشێکی زۆری یاریزانان و راهێنەرانی جیهان دژی دروست بوونی پاڵەوانێتی سوپەر لیگن، جگە لەوەش پەیامی بەشداری نەکردنیان بڵاوکردۆتەوە.