کوردستانی

فڕۆکەیەکی بێ فڕۆکەوان لەم ناوچەیەی هەرێم کەوتەخوارەوە

مەودا میدیا - سلێمانی |


فڕۆکەیەکی بێ فڕۆکەوان لەم ناوچەیەی هەرێم کەوتەخوارەوە
مەودا میدیا- رێبین ئەشرەف

فڕۆكه‌یه‌كی بێ فڕۆكه‌وان له‌ باكووری رۆژهەڵاتی قه‌ڵادزێ دەکەوێتەخوارەوە و تێکدەشکێت، قایمقامی قەڵادزێ، دەڵێت "نازانرێت هۆکاری کەوتنەخوارەوەی فڕۆکەکە چییە و سەر بە چ لایەنێکە".

لە لێدوانێکدا تایبەت بۆ مەودا میدیا بەکر بایز، قایمقامی قەڵادزێ هەواڵی کەوتنەخوارەوەی فڕۆکەکەی بۆ مەودا میدیا پشتڕاستکردەوە و رایگەیاند "فڕۆکەکە لە نزیک گوندی دووبێی سەر بە ناحیەی هەڵشۆ لە باکووری رۆژهەڵاتی پشدەر کەوتووەتەخوارەوە و تێكشکاوە".

قایمقامی قەڵادزێ ئاماژەی بەوەشکرد "تائیستا نازانرێت فڕۆکەکە سەر بە کوێیە و هۆکاری کەوتنەخوارەوەکەی چییە".

تا ساتی ئامادەکردنی ئەم هەواڵە هیچ لایه‌نێك به‌رپرسیاریه‌تی خۆی له‌ خستنه‌خواره‌وه‌ی ئه‌و فڕۆكه‌ بێ فڕۆكه‌وانه‌ رانه‌گه‌یاندووه‌.

ر. ئ
Qaiwan
Qaiwan