مه‌ودامیدیا – سه‌باح خدر 

کات ژمێر 5:00 ی ئێواره‌ی ئه‌مڕۆ به‌کاتی کوردستان یانه‌ی ئه‌یسی میلان میوانداری یانه‌ی سامپادوریا ده‌کات له‌ چوارچێوه‌ی یارییه‌کانی هه‌فته‌ی 18 ی خولی ئیتاڵیدا.

ستیڤانو پیولی بۆ یارییه‌که‌ی ئه‌مڕۆ لیستی ناوی یاریزانه‌کانی بڵاوکردۆته‌وه‌ له‌سه‌ر پێگه‌ی تویته‌ری تایبه‌ت به‌یانه‌که‌.

ئیبراهیمۆڤیجی سویدی ناوی له‌ نێو لیستی یاریزانه‌کاندا هه‌یه‌ بۆ رووبه‌ڕووبونه‌وه‌ی یانه‌ی سامپادوریا له‌یه‌که‌م یاری گه‌ڕانه‌وه‌یدا.

یانه‌ی ئه‌یسی میلان به‌هۆی گه‌ڕانه‌وه‌ی ( ئیبراهیمۆڤیج ) ی سویدی نزیکه‌ی 60 هه‌زار بلیتی بۆ ئه‌و یارییه‌ فرۆشتوه‌و زۆربه‌ی هانده‌رانی یانه‌که‌ش به‌ تامه‌زرۆییه‌وه‌ چاوه‌ڕێی یه‌که‌م یاری ئه‌و یاریزانه‌ ده‌که‌ن.

ئیبراهیمۆڤیج ته‌مه‌نی 38 ساڵه‌و له‌ چه‌ند رۆژی رابردوودا جارێکی تر درێسی یانه‌ی ئه‌یسی میلانی پێ به‌خشرا.